بلگي د نويسايه دمم غم تکنامه زوني که نیارم د برم بس جکنامه اي خاک چه آوردنه روزش که د شويه هامون چه وش کردنه محتاج تپويه کلغه ی د نويسايه و دم دار اصالت جي گرده تپاله ی د نهانه زر چالت ايخن که کنن خشک د ای داره و ریشه خون دله ای مردمه هم کردنه شیشه ايرونه چه آوردنه روزش که د خشکه انباره د خردن و همه اش جي گله مشکه زنده ي د نويسا هممون جون چنهکيم بارون خشي نی دکلو زر خل و خهکيم نفتی که و من گرده ی ای خاک و رویه پيلش من جیبه  کر بودارل و خويه زنده ي که د نيسي به خدا نکبت و درده سهم هممون کمتر بوجه ی شله زرده با سپاس و مهر..کی اسداله زمانی امیرآباد (خلمر)+ نوشته شده در  چهارشنبه هجدهم بهمن ۱۳۹۶ساعت 16:3  توسط اسدالله زمانی امیراباد  | 

نونم چه بگم مردم تسکین بيه ای دردم رهته د خدا بالا وش نيرسه ای بردم ايخم بزنم بنگی دونم که و شو رهته يا هم که و من سانچي من او و خو رهته ايخم مو بگم گردون ای چرخه د ورگردون غم سر غم ای مردم وابييه د دهلل خون چل ساله که زر فقرن مردم همشون مردن کشتييه طلا کاری سی اجنبی ايبردن ار نيرسه د زورت چنگيزته ورگردون فرمونته وش بييه سر یک بگره صد جون ار هم که خداموني گفتر تو هاموني سر یک د بکن جانيس زیتر اگه باموني سيري که نيارن هم ای باغه وبن خردن کاهنله بی دردن مفت ايخرن ايگردن دونن که دلل مردم پر وابييه صد عقده زر بار غم سهشون نهلشتنه د گرده بايد که بيونيتون بی فيييه خو زوری دهلل د ديارابي کم سر بزه وی کوری ايخم مو بگم گردون سانچينه د ورگردون کشتي و طلا سی خت جي سانچييه سرگردون با سپاس و مهر به پیشگاه شما ... کی اسداله زمانی امیرآباد (خلمر) + نوشته شده در جمعه بیست و نهم دی ۱۳۹۶ساعت 19:48 توسط اسدالله زمانی امیراباد |